Vereor quidem, Vir Excellentissime! TE aequi bonique meam facturum audaciam, quum ego peregrinus Vestrae celsitudini nimium dispar, hasce ad TE exarare literas non erubescam. At vero cum husce temporibus totam ferme Europam discurrat measque ad aures pervenerit Vestri nominis atque magnanimitatis fama, non dubito TE Vir Excellentissime! meas literas easque humillimas Serena suscepturum fronte. Ego Leisselhemii in Marchionatu Hachbergo Badensi ad Rhenum sum pastor Lutherano-Evangelicus, quinque filiis gaudens, quos inter tertius natu, nomine Joh. Jac. Fridericus prae caeteris angitur quasi desiderio extra patriam aleam jacere Suam. Hic juvenis est aetate annorum viginti et duorum, statura non indigna, animosus, Scientia Geometrica practica Trigonometrica imbutus, nec in Architectura ignarus, arte libraria (Schreiberei) edoctus, Chirographo paucis Secundus, nec Gallica Lingua ignarus, quas Scientias adhuc augendi et in iis maiores faciendi progressis magna flagrat cupiditate, eumque in finem in tabulino (Cantzley) praefecti Hachbergensis domini Schlosseri percelebris aliquos annos hisce et aliis necessariis bene instructus, ita ut eam ob causam aeque ac vitae sinceritatem suae omnem benevolentiam sibi acquisiverit; bono simul est animo, in quem omnem reponere licet fiduciam Meum utique consilium fuisset, in sua ipsius patria ut fortunam expectaret; ille vero se nolle suaviter et demisse asserit, et in ceteris divinae providentiae se commissurum iterum iterumque adfirmat. Ego ignorans quid provision de eo deciderit divina, conatui ulterius nolo resistere sed ad utiliora forsan extra patriam societati humanae eum Numen destinavit Summum. Ne vero incertus eat quo velit officium meum esse duco eum Commendatione prosequi paterna. Cum itaque literae eaeque publicae TE Vir Excellentissime! humanitate … ac magnanimitate ubique celeberrimum tradant, fretus et tantus quantus sum fretus Tua Clementia, Te haud aegre laturum. Si periculum facio, filium meum de meliore Tibi Tuoque favori submisse commendare Celsissimo, ut benevolentia erga me, quamvis exterum, motus, eum vel in Tuum ipsius Servitium Suscipere, vel recommendatione clementissima ad Statuum Americae unitorum praecelsissimum prosequi Congressum eumque Submisse adire non solum ei liceat securus sed et egenus sine impensis iter facere facere [sic] possit, clementissimae curae sit Tuae, vel etiam quovis placeret modo ejus fortunae esse promotorem benignissimum patiatis. Quod vero reliquum est, omni demissione precor, ne, Vir Excellentissime! audaciam meam inique feras et pro ea qua polles magnanimitate … das, ut multorum millium votis et me iungam, ut Numen TE Summum quam …tissime omni salute coronatum in multos felicitatem ad Nestoris annos mortalium tui interesse patiatur, interim vero … velim clementissime, ut